Bakı şəhərində, Xəzər rayonu Binə qəsəbəsində "banka" sexi fəaliyyət göstərir:
Aldığımız məlumata görə, orada İşçilərin çoxu müqaviləsiz çalışır;
-təhlükəsizlik qaydalarına riayət olunmur. Yəni qoruyucu kaskalar və xüsusi mühafizə geyimlərindən istifadə olunmur;
-sexdə antisanitar vəziyyət hökm sürür:
-şüşə əridmə kürəsindən düzgün istifadə olmadığı üçün bir başa atmosferin çirklənməsinə səbəb olur.
Eyni zamanda oradakı istilik və kürədın çıxan zəhərli maddələr, birbaşa içəridə çalışan işçilərin səhətinə mənfi təsir göstərir.
Biz bu barədə 11 saylı Regional Ekologiya Idarəsinə məlumat verdik və oranın əməkdaşları bizlə birlikdə ora daxil oldular. Lakin oradan isə bizə bildirdilər ki, sexin sahibi burada olmadığı üçün sabah gələrsiniz. Ondan bir gün sonra, yerli ekologiya işçiləri ora getməkdən imtina etdilər və bizə "sahibkar olan yerə biz daxil olub araşdırma apara bilmərik. Gərək şikayət verəsiniz və sonra sizinlə gedib araşdırma aparaq"-deyə, bildirdilər.
Biz belə hiss etdik ki, yerli ekologiya işçilərinin bu "manapolyada" barmağı olduqları üçün ora gedib hər hansı bir tədbir görməkdən imtina etdilər.
Tək ekologiya yox, Fövqaladə Hallar Nazirliyi, Qıda Təhlükəsizliyi və Dövlət Əmək Müfəttişliyinin əməkdaşları bəs hara baxır?!
Görünür adları çəkilən aidiyyatı qurumlar işlərinin başında olmadığı üçün, orada belə bir biabırçı vəziyyət alınıb.
Qarşı tərəfi dinləməyə hazırıq
