Bir neçə gün öncə Lerik rayon 20-ci km kənd sakini Hümmətov Fuad Əbdülhüseyn oğlu tərəfindən Metbuat.info - ya daxil olmuş şikayətdə bildirilmişdi ki, guya Lənkəran Regional Meşə Təsərrüfatı Mərkəzinin Razvonabad meşəbəyliyinin 16, 17 və 18 saylı dolaylarında adları "Qırmızı Kitab"a düşmüş və digər xırda və iridiametirli ağaclar kütləvi olaraq oduncaq və işlik material kimi kəsilir.
Amma sən demə, şikayət verən Fuad Hümmətovun özü vaxtilə sözügedən meşəbəyliyin 22 saylı dolayında meşə gözətçisi işləyib.

Dekabr 2021-ci il tarixdə Fuadın gözətçisi olduğu dolayda təhvil-qəbul zaman 13.000 manatlıq, 2022-ci il tarixdə isə 9.00 manatlıq qırıntı aşkar edilib.
Eyni zamanda sözügedən dolayda 9.67 kub metr ağcaqayın cinsindən olan "işlik material" əskik gəlib. Bundan başqa təhvil-qəbul zamanı sözü gedən dolayda 300- dən çox qanunsuz ağacın kəsildiyi və dövriyyədə olan 4.00 ha əkinin isə faktiki mövcud olmadığı aşkar olunub.
Verilən məlumatlardan belə aydın olur ki, Fuad Hümmətov işdən çıxarıldığı üçün qərəzli olaraq sözügedən məlumatları verib.

Qarşı tərəfi dinləməyə hazırıq.