Şəmkir rayonundan redaksiyamıza maraqlı məlumat daxil olub.
Məlumatda qeyd olunur ki,Şəmkir rayonunun mərkəzində yaşayan, özünü dindar kimi qələmə verərək baxıcılıq etməklə insanlardan pul alan şəxs ya dəstə fəaliyyət göstərir.
Həmin şəxsin adı Mirhəşimdir və bütün rəhbər şəxslər onun dələduzluqla məşğul olduğunu bilirlər.Sadəcə adam aylıq lazım olan qədər vəsaiti rayon rəhbərliyi və hüquq-mühafizə orqanlarının rəhbər şəxslərinə çatdırır.Buna görə Mirhəşimə gözün üstə qaşın var deyən tapılmır.
Qapısının ağzında hər gün yüzlərlə adam olur və hər bir kəsə 150 manatdan başlayaraq baxır.Bu adam vergi vermir, ölkəmizdə olan mövcud qanunvericiliyə zidd hərəkətlər edir.Qapısında hələ Kamran adında bir pulyığanı da var.
Görəsən Şəmkir polisi hara baxır,niyə tədbir görmür?
Dini qurumlarla iş üzrə Dövlət komitəsi Şəmkirdə faktiki olaraq işlək vəziyyətdə deyil.İnsanlara qarşı dələduzluq həyata keçirilir,polis, prokurorluq və sair susur.Müqəddəs quranımızdan çirkin məqsədləri naminə istifadə edirlər, ancaq nədənsə, əlaqədar qurumlar susur.Şəhərin mərkəzində hər gün izdiham olur, ancaq maraqlanan yoxdur ki,bu nədir.

Redaksiyadan: Yazıda adları çəkilən şəxslərin də mövqeyini dərc etməyə hazırıq.Mövzuya qayıdacayıq.

Tənqidçi jurnalist
Elçin İsmayıllı.